Nakumpiskar sang mga otoridad 12 ka sako sang ammonium nitrate fuel oil (ANFO) nga may tig-25 kilo kada sako, 54 ka non-electric blasting caps, kag 1 ka rolyo sang commercial safety fuse nga nagaduag sang pula nga may lapad nga mga 75 metros sa ginpatigayon nga operasyon sandig sa search warrant.
Ini ang nangin pahayag ni Larry Geronio – Sultan Kudarat Correspondent, sa interview sang Bombo Radyo Koronadal.
Suno kay Geronio, na-arestar man sa nasambit nga operasyon ang isa ka Chinese national nga si Liu Shuling, nga residente sang Hubei, China, lakip ang tatlo ka Pilipino nga wala pa ginpangalanan sang mga otoridad.
Sandig sa validation sang intelligence units sang PNP, madugay na nga expired ang lisensya sang minahan nga ginpangunahan sang ABN Nature ORE Mining, nga may talatapan sa Isulan, Sultan Kudarat sa diin nahibaluan nga sang Disyembre 6, 2024 pa nag-expire ang permit to operate sang nasambit nga minahan.
Sa karon, ginapreparar na sang Bagumbayan PNP ang pagpasang-at sang kaso nga paglapas sa Republic Act No. 9516 ukon Illegal Possession of Explosives batok sa mga suspek.
