Ginpahayag ni Palace Press Officer nga si Undersecretary Claire Castro nga ila ginapangita kag ginatutukan kun diin naghalin ang resulta sang SWS survey nga nagasiling nga 54 porsyento sang mga respondents kuntento sa performance ni VP Sara Duterte.
Ginpamangkot ni Castro kun ano bala ang basihan sang amo nga rating kag ano ang metodolohiya nga gin-usar sang survey.
Bisan ano pa man ang numero kag resulta sang survey, ginpahayag ni Castro nga indi matago ukon mapanubo ang kamatuoran nga ang Presidente amo ang nagapadayon sa iya trabaho samtang ang iban nagapahuway lang kag wala naga-ubra sang ila responsibilidad.
Ginpaabot niya nga ang mga survey indi dapat magserbi nga rason ukon pagpang-intu sa publiko, kundi dapat magpakita sang matuod nga sitwasyon sa palibot sang gobyerno.
Dapat nga maguwa guid ang kamatuoran kon sin-o ang seryoso sa ila trabaho kag kon sin-o ang wala naga-obra sang ila obligasyon, agud ang publiko may klaro nga panan-aw sa performance sang mga lider nga ila ginpili.
