Nagdumili si Ghislaine Maxwell, nga ginpahayag nga kasabwat ni Jeffrey Epstein, nga magsabat sa pamangkot sang US House Oversight Committee, kag nag-invoke sang iya Fifth Amendment right batok sa self-incrimination.
Naga-serbisyo si Maxwell, 64 anyos, sang 20-ka-tuig nga pagkabilanggo matapos masentensyahan sang kaso nga sex trafficking.
Ini kaangot sa mga krimen ni Epstein, nga napatay sa New York jail sang 2019 samtang nagahulat sang hearing.
Suno sa iya abogado, preparado siya magtestigo kun hatagan sang clemency ni US President Donald Trump.
Ginpagwa ang mga dokumento sa idalom sang Epstein Files Transparency Act (EFTA), nga nagapugong sa pag-redact sang records bangud lang sa “embarrassment, reputational harm, or political sensitivity,” kun indi lang protektado ang identidad sang biktima.
May pila ka prominente nga pangalan nga na-redact, lakip si Les Wexner, billionaire kag tag-iya sang Victoria’s Secret, nga ginpahayag nga co-conspirator.
Madumduman nga nagpagwa man sang subpoena ang US House Oversight Committee batok kay Bill kag Hillary Clinton agud magpaathag sa bahin sa ila relasyon kay Epstein.
Ginpangayo sang mga Clinton nga isapubliko ang ila testimonya agud malikawan ang politikal nga pang-impluwensya.
