Nagsumiter ang kampo ni anay Pangulo Rodrigo Duterte sang report halin sa mga medical experts nga ginkuha nila.
Suno sa abogado sang anay pangulo nga si Nicholas Kaufman, ginpatuman ini nga tikang bilang pagsuporta sa ila pahayag parte sa matuod nga kahimtangan sang kahimsugan sang 80 anyos nga anay pangulo kag kun ngaa kinahanglan na ini paga hilwayon halin sa pagkakulong sa International Criminal Court (ICC).
Sa 12- papel nga ila ginpadala sa ICC Pre-Trial Chamber I, ginpahayag nga ang bag-o nga medical evidence ginpresentar bilang bulig sa Pre-Trial Chamber sa paghangop sang kahimsugan sang anay pangulo para sa iya pag-atubang sa pagpulong.
Nakasulat man sa joint report nga ang anay pangulo may kakulangan sa executive functioning, nakaangkon sang kakulangan sa kapasidad sa pagplano, hinay sa paghimo sang madali nga desisyon, nagkulang sa pisikal nga kusog, kag wala sang ikasarang nga malikawan ukon makalikay sa pagbantay.
