Wala naman suno pa nakabalo ang tricycle driver nga ang gindala niya nga pasahero sa Marbel amo ang gin-aalegar nga nagkuha sang lapsag sa South Cotabato Provincial Hospital.
Ini ang nangin pahayag ni Bobby Siman, tricycle driver, sa interview sang Bombo Radyo Koronadal. Suno kay Siman, nagsakay sa iya pakadto sa Marbel ang babayi nga suspek halin sa Purok Everlasting, Brgy. Avanceña, padulong sa St. Gabriel. Suno man saiya, ginsaway pa niya ang suspek nga tabonan ang bata kay basi malumos sa hangin, kay gamay pa ini.
Dugang pa niya, nagpanaog ang suspek sa isa ka gamay nga ospital ukon clinic, kag nagtindog lang didto nga wala nagsulod.
Nagapanawagan naman si Siman sa babayi nga gin-aalegar nagkuha sang lapsag, nga kon indi iya bata, ibalik nalang ini kay kaluoy gid ang pamilya nga nagapangita sang lapsag.
