Preparado na ang team sang Philippine Red Cross – South Cotabato Chapter sa blood donation drive sang Bombo Radyo Philippines.
Ini ang nangin pahayag ni Erwin Rommel Del Carmen, RMT, Chapter Administrator ng Philippine Red Cross – South Cotabato Chapter sa interview sang Bombo Radyo Koronadal. Suno kay Del Carmen, humalin pa sang volunteer palang ini sa Philippine redcross tubtob sa karon, padayon sila nga nagakooperar kag partisipar sa blood letting drive sang BOmbo Radyo Philippines ang “Dugong Bombo 2025”.
Dugang pa kay Carmen, isa na ini sa tion nga makabulig sa komunidad paagi sa pagdonar sang hamili nga dugo agud makadugtong pa ukon makapalawig pa sang kabuhi sang isig-katawo.
Gin-awhag man ni Del Carmen ang katawhan nga magpartisipar sa Dugong Bombo 2025 sa KCC Mall of Marbel Event Center, Sabado, Nobyembre 15, 2025, halin alas 7 sa aga tubtob alas 5 sa hapon.
