Isa ka batan-on nga mag-asawa sa Bhopal, India, ang naghimo sang proseso sang ila nga diborsyo matapos nga makapila na nila ka beses nga gintunguhaa nga magin abyan ang ila mga sapat nga isa ka ido kag kuring sa sulod sang ila nga panimalay.
Ang wala ginpangalanan nga mag-asawa ang una nga nagin close sa isa kag isa bangod saila nga pagpalangga sa mga sapat.
Halin sa paging isa ka abyan tubtob sa nangin mag-asawa.
Matapos ang ila nga Kasal sang Disyembre, nagupod ang mga ini sa isa ka panimalay kag diri na nagumpisa ang ila nga problema sa ila nga relasyon.
Suno sa babae, ang ido sang iya nga asawa ang nagapangkalat sa panimalay kag kon kis-a ginaatake pa ang iya nga kuring.
Sa piyak nga bahin ginsiling sang lalaki nga antes pa ang ila kasal, indi pwede dal-on sang isa asawa ang mga sapat sini sa ila nga panimalay.
Sa diin suno saiya ang kuring sang iya asawa ang permi nakabantay sa ila nga aquarium, nga nagatuga sang tensyon sa sulod sang ila panimalay.
