Pila pa ka bagyo ang ginapaabot nga magasulod sa Philippine Area of Responsibility (PAR) subong nga ‘ber’ months. Suno sa state weather bureau, may yara pa 9 ka bagyo ang ginabantayan nga magasulod sa pungsod antes matapos ang tuig.May kaangtanan ini sa La Niña Alert nga ginpahayag sang state weather bureau kon sa diin ginapaabot ang 70% ukon mas labaw pa nga posibilidad nga pagporma sang La Niña subong nga bulan sang Oktubre tubtob Disyembre kag pwede magpadayon tubtob Pebrero 2026. Suno sa Deputy Administrator sang state weather bureau nga si Marcelino Villafuerte, ang posible ika-16 nga maporma nga bagyo pagatawgon nga “Paolo” kag magalab-ot pa sa 5 tubtob 9 pa ka tropical cyclone ang magasulod sa PAR tubtob magtapos ang tuig 2025. Bisan pa nga wala ginapaabot nga mas mabaskog pa sa mga nauna ang mga nagapadulong nga bagyo, ginahandaan sa gihapon nila ang pagsulod sini agud malikawan ang mas dalagko nga epekto nga mahimo sini .
