Wala na naghatag sang dugang nga komento ang abogado ni anay Presidente Rodrigo Duterte nga si Nicolas Kaufman parte sa gindumili nga pagbisita sang common-law wife sang anay presidente nga si Honeylet Avanceña sa detention facility sang International Criminal Court (ICC).
Suno kay Kaufman, ang visiting rights wala ginadesisyunan sang mga abogado kundi sang mga otoridad sang ICC.
Ginpanginwala man ni Kaufman nga may gin-estoryahan sila nga may kahilabtanan sa kaso sang anay presidente.
Madumduman nga ginpahayag ni Avanceña nga ginbawalan na siya nga magbisita kay Duterte matapos niya maghatag sang komento parte sa kaso sang anay presidente samtang naga-istoryahanay sila sa telepono sang Hulyo 19.
Ginpasiguro man ni Kaufman nga ginabantayan sang mga otoridad sang ICC ang kahimtangan sang ikaayong-lawas ni Duterte.
