Padayon ang paglapta sang sahi sang monkeypox virus (MPXV) sa pila ka pungsod, nga nagatuga sang peligro sang padayon nga transmisyon sa komunidad.
Samtang 19 nga pungsod sa Africa ang may aktibo ng mpox transmission, sa diin nagkalain-lain nga clade ang natala sa West, Central, kag East Africa.
Nagnubo naman ang numero sang kumpirmado nga kaso sa bug-os nga kontinente, labi na sa Sierra Leone kag Democratic Republic of the Congo.
Nagasaka naman ang kaso sa West Africa, partikular sa Guinea, Liberia, kag Togo, bangod sa paglapnag sang clade IIb MPXV.
Sa China, may siyam na nga bag-o nga kaso sang clade Ib MPXV, apang indi pa sigurado ang status sang transmisyon.
Natala naman sang Turkiye ang isa ka kaso sang clade Ia MPXV halin sa isa ka biyahero sang Oktubre 2024, apang wala sang natala nga secondary cases.
