Ginpa-andaman sang Iran ang pila ka mga pungsod sa Europa nga nagabulig sa Israel

Ginpa-andaman sang Iran ang European Union nga nagahatag suporta sa Israel sa ila gina-akusar nga mga krimen batok sa Iran.

Suno kay Iranian Foreign Minister Araghchi, nakaistorya niya sa telepono sanday European Union’s foreign policy chief Kaja Kallas kag Greek Foreign Minister Giorgos Gerapetritis, kun sa diin gindiskusyonan nila ang military activities sang Israel sa nasambit nga rehiyon.

Ginsiling niya nga may pila ka mga pungsod sa Europa nga direkta kag indi direkta nga nagasuporta sa Israel sa plano sini nga atakehon ang nuclear facility kag ang Iran mismo.

Dugang pa niya, tungod sa suporta nga ginapakita sang pila ka European countries, nagakalipay ang Israel kag padayon ini sa wala untat nga mga pag-atake.