Luwas na nga nakatabok padulong sa Jordan ang 21 ka opisyal sang gobyerno nga na-stranded sa Israel sa tunga sang nagalaum nga tensyon sa tunga sang Israel kag Iran.
Ini ang ginpahibalo sang Department of Foreign Affairs (DFA) adlaw sang Huwebes.
Sa nasambit nga grupo, 17 ang nag-upod sa training bahin sa agricultural technology halin Hunyo 10 tubtob Hunyo 20. Lakip diri ang duha ka kongresista, siyam ka alkalde, apat ka bise alkalde, kag duha ka regional director.
Upod man ang apat ka espesyalista halin sa Department of Agriculture nga may kaangtanan sa industriya sang gatasan.
Suno sa DFA, aktibo nga nakig-angut ang Philippine Embassy sa Tel Aviv sa embahada sang Pilipinas sa Jordan kag sa mga otoridad sang lugar agud masiguro ang hapsay kag segurado nga pagtabok sang grupo.
Ginsugata sila ni Philippine Ambassador Wilfredo Santos sa King Hussein Border, kag ginbuligan, upod na ang paghatag sang libre nga transit visa nga wala sang gasto halin sa gobyerno.
Ginalauman sang DFA nga sa masunod nga mga adlaw, magabaton man ang embahada sa Jordan sang unang grupo sang mga overseas Filipino workers (OFWs) bilang kabahin sang evacuation efforts.
Sa isa ka panayam, ginpahayag man ni Philippine Ambassador to Israel Aileen Mendiola-Rau nga ang grupo magalupad padulong sa Dubai antes magpauli sa Manila.
Padayon naman ang kasangkaran sang opensiba sa tunga sang Israel kag Iran, nga nagapahamtang sang dako nga peligro sa kabuhi sang mga sibilyan kag dayuhan nga yara sa tunga sang kinagamo.
