Ginkumpirmar na sang Air India nga 241 ka tawo ang napatay kag isa lang ang naluwas sa pagtabisok sang ila pampasaherong eroplano nga pa-London ang biyahe.
Ang nasambit nga eroplano may sakay nga 169 ka Indian nationals, 53 ka Britons, 7 ka Portuguese nationals, kag isa ka Canadian.
Ang Briton lang nga si Vishwashkumar Ramesh ang nakaluwas, matapos niya mabatian ang pagsigabong sa makina sang eroplano kag gilayon nga naglumpat sa exit door.
Isa man sa mga napatay amo si Vijay Rupani, anay chief minister sang probinsya sang Gujarat.
Si Rupani, 68 anyos, nangin opisyal sang 2016 tubtob 2021.
Natapos na sang India ang rescue operations sa lugar, kag ang isa lang nga survivor padayon nga ginabulong sa ospital.
Ginausisa na sang mga otoridad ang blackbox sang Air India Flight 171 agud mahibal-an ang matuod-tuod nga rason sang aksidente.
Apektado man sang insidente ang isa ka building nga ginapuy-an sang mga estudyante 50 ka medical students ang nasamaran matapos nabungguan sang Boeing 787-8 Dreamliner ang ila tinirhan.
Nagpadulong na sa India ang mga eksperto halin sa US kag United Kingdom agud magbulig sa imbestigasyon sang aksidente.
Ginpahayag man sang Air India nga magahatag sila sang bulig sa mga pamilya sang mga biktima, kun sa diin ang kada isa magabaton sang P6.5 milyon.
