Nagpaabot sang pagpakigbuylog sa kasubo si Bise Presidente Sara Duterte sa mga pamilya kag mga himata sang mga napatay kag napilasan sa nagluntad nga car ramming attack sa ginhiwat nga Lapu-Lapu Festival sang Filipino community sa Vancouver, Canada sang Sabado, Abril 26, nga nagresulta sa kamatayon sang 11 ka tawo kag pagkapilas sang madamo.
Sa isa ka pahayag, gin-kondena man sang Bise Presidente ang insidente nga iya gin-describe bilang isa ka tinuyo ukon deliberate assault.
Wala sang rason nga makapamatood ukon makajustify sa pagtarget sa mga festivalgoers nga mapisan kag malinong nga nagahiwat sang selebrasyon, kag dapat nga mapasabat sa idalum sang layi sang Canada ang mga responsable.
Nagpasalamat man ang Pangalawang Pangulo sa gobyerno sang Canada kag ginpabugal ang mga panghangkat sang Embahada sang Pilipinas sa Ottawa kag sang Consulate General sang Pilipinas sa Vancouver sa ila kooperasyon sa mga otoridad sa Canada agud masiguro nga matagaan sang insakto nga bulig ang tagsa ka Pilipino.
