Naglab-ot sa 40 ka mga mataas nga kalibre sang armas-luthang ang ginpangsungka sa pamunuan sang 601st Infantry (Unifier) Brigade sa Barangay Kamasi, Ampatuan, Maguindanao del Sur kahapon, Abril 26, 2025.
Si Brigadier General Edgar L. Catu, Commander sang 601st Brigade, mismo ang nagpresentar sang mga nasambit nga armas luthang sa atubang nanday Lieutenant General Antonio G. Nafarrete, Commander sang Western Mindanao Command, kag Major General Donald M. Gumiran, Commander sang 6th Infantry (Kampilan) Division.
Lakip sa mga isinurrender nga armas amo ang pito ka M14 7.62mm rifles, anum ka M16 5.56mm rifles, lima ka Garand Cal. 30 rifles, duha ka Ultimax 5.56mm rifles, duha ka Bushmaster 5.56mm rifles, duha ka Carbine 5.56mm M4 rifles, kag duha ka improvised M79 grenade launchers.
May yara man sang tig-isa ka unit sang improvised Garand Cal. 30 rifle, Carbine, Carbine Sniper Rifle, improvised Carbine Rifle, M4 5.56mm rifle, M653 5.56mm rifle, HMG Cal. 50 Barret (duha ka regular kag isa ka improvised), 57RR recoilless rifle, 60mm Mortar, M203 Grenade Launcher, SMG Uzi, kag improvised 12-Gauge Shotgun.
Padayon nga ginapasidunggan ni Orbon ang pagsalig kag kooperasyon sang mga pumuluyo sa Small arms and light weapons nga programa para sa kalinong kag seguridad sa rehiyon.
