Nakaangkon sang pilas sa isa ka pagpamusil ang Bise Alkalde sang Datu Piang, Maguindanao Del Sur nga si Atty. Omar Samama sini nga aga, Pebrero 24, 2025.
Suno sa inisyal nga impormasyon, ginpusil ang bise alkalde gamit ang isa ka sahi sang Sniper nga armas-luthang samtang nagahatag ini sang pahayad sa 4th SHINE (Serbisyong Handog ng Inyong Nagmamalasakit at Epektibong Lokal na Pamahalaan ng Datu Piang) Convergence event sa COVID Center, Brgy. Magaslong, Datu Piang, Maguindanao del Sur.
Pagkatapos sang insidente, gilayon siya gindala sa balay bululngan agud mahatagan sang medikal nga atensyon.
Sa karon, padayon na nga nagapaayo ang nasambit nga Vice Mayor.
Nagapadayon man ang imbestigasyon sang mga otoridad agud madakpan ang suspek kag mahibal-an ang posible nga motibo sa krimen.
