Napagkit sang Amerika ang una nga tao nga napatay bangod sa bird flu.
Ginkumpirma ini sang mga otoridad sang Louisiana sang Lunes, oras sa Amerika.
Apang may ara man sang underlying medical conditions ang napatay nga pasyente sa edad nga 65 anyos.
Na-ospital ini bangod sa nabatyagan nga respiratory ailment kag ini ang una nga seryoso nga kaso sang human infection sang H5N1 virus nga na detect sa US.
Naggwa sang alarma ini sa Amerika nga posible nga outbreak sang bird flu pandemic ang pag-anunsiyo sa kritikal nga kondisyon sang nasambit nga pasyente sa tunga sang Disyembre 2024 nga may kapareho man nga mga kaso nga napagkit sa nagkalain lain nga pungsod.
Sa isa ka statement, ginpahayag sang Louisiana Department of Health nga nakwa sang pasyente ang nasambit nga sakit matpos nga ma-expose sa non-commercial backyard flock kag wild birds.
Sa piyak sini nga una nga fatality case sa Amerika, nagapabilin nga manubo ang peligro sang bird flu sa ikaayong lawas sang publiko kag wala sang na-detect nga human-to-human transmission.
