Wala sing moral authority si anay Chief Presidential legal counsel Salvador Panelo nga magduhaduha sa desisyon ni Pang. Ferdinand Marcos Jr., ilabi na ang pagpaguwa sang Executive Order No. 81, nga nagare-reorganize sa National Security Council (NSC).
Ini ang ginpahayag ni Executive Secretary Lucas Bersamin.
Sa ginhimo nga reorganization sang NSC, gintanggal si Vice President Sara Duterte bilang panel sang konseho.
Ginpahayag ni Bersamin nga sang ara pa sa pwesto si Panelo, iya man nga ginapadayon nga kakason sa NSC panel si dating Vice President Leni Robredo.
Ginpanginwala ni Bersamin nga ang NSC nagaserbe bilang advisory body sang Pangulo bilang Commander-in-Chief sang Armed Forces of the Philippines.
Dugang pa ni Bersamin nga responsibilidad sang presidente sang pungsod nga masiguro nga ang mga nagapanugyan sa iya may yara siya nga pagsalig kag kumpiyansa.
Suno sini, May karapatan kag awtoridad si presdiente. Marcos nga i-reorganize ang mga government offices.
Apang, ginPaklaro ni Bersamin nga wala sing personal sa pagpaguwa sang presidente sang EO 81.
