Natalana nga butangan sang gobyerno sang clearance fee nga P60 kada metriko tonelada ang mga imported nga sugar atlernatives kag pila ka mga sugar-based products.
Suno sa Sugar Regulatory Administration (SRA) , ang mga sugar alternatives ang ginalakipan sang sucrose, flavored syrups kag mga white chocolates kag chewing gum.
Ang clearance fee nga P3 kada 50-kilogram ukon P60 kada metriko tonelada ang mas manubo sa una nga proposal nga P10 kada kilo ukon P200 kada metriko tonelada.
Una na nga ginpahayag ni Agriculture Secretary Francisco Tiu Laurel Jr ,tagapamuno sang SRA Board nga ila ginpanubuan ang clearnce fee bangud man nga ginaduso sang mga beverage makers kag industrial users.
Epektibo ang clearance fee matapos ang 30 ka adlaw kon ini ang ma file na sa Office of the National Registrar sa UP Law Center.
