Magapangatubang sang kaso ang tatlo ka mga carnapper nga nadakpan sa ginpatigayon nga hot-pursuit operation sang mga otoridad sa banwa sang Pikit, Cotabato.
Suno sa Pikit Municipal Police Station, ginreport sang isa ka biktima nga gin-agaw sang tatlo ka mga suspek ang motorsiklo sini matapos sila nga nagpakuno-kuno nga mga buyer sang Motor.
Gilayon nga nagpatigayon sang operasyon ang joint forces sang kapulisan sang Pikit PNP, Regional Mobile Force Battalion 14, PRO BAR, 3rd PCMFC, at 40th Infantry Battalion ng Philippine Army, kun diin gilayon nga nadakpan ang isa sa mga suspek sa Fort Pikit, Maledegao, SGA BARMM nga ginkilala kay alyas “Haris”, nga nakuhaan sang 82 piraso sang counterfeit one-thousand-peso bill (Php1,000), isa ka master key kag ang ginkawat nga motorsiklo.
Ginsundan ini sang pagkaaresto naman sang iya kaupod sa Dalingoen Pikit, Cotabato kun diin nakorner ang duha pa nga sanday alyas “Prince”, kag alyas “Ali Matindo”, nga nakuhanan sang isa ka unit sang Cal. 45 pistol nga kargado sang bala.
Magluwas sa mga ini nakuha man sa mga suspek ang gingamit nila nga getaway vehicle kag walo ka plastic sachet sang ginapatihan nga shabu nga nagakantidad sang Php6,000.
