Kapin sa 115,000 ka mga pamilya ang nagapabilin sa mga evacuation center sa 8 ka rehiyon samtang nagasugod na ang pagbangon sang pungsod halin sa serye sang mga mabaskog nga bagyo nga nag-igo sa pungsod.
Suno kay Department of Social Welfare and Development (DSWD) Spokesperson Assistant Secretary Irene Dumlao, padayon ang paghatag sang gobyerno sang humanitarian assistance para sa mga apektado nga mga residente.
Suno sa opisyal, nahatag na ang mga 400,000 ka family food packs nga nagabalor sang P125 million nga humanitarian assistance sa mga lugar nga gin-igo sang bagyo nga Nika, Ofel kag Pepito.
May ara man 1.3 million ka family food packs (FFPs) nga naka-preposition sa mga warehouse.
Nagpasiguro man nga maghatag ang DSWD sang dugang nga 45,000 ka FFPs para sa probinsya sang Catanduanes nga grabe nga naapektuhan sang bagyo nga Pepito.
