-- ADVERTISEMENT --
Padayon ang kadalag-an sang pelikula nga ‘Hello, Love, Again’ sa international scene, matapos ini makasulod sa ika-8 puwesto sang Top 10 movies sa US sa una nga semana nga showing ini.
Nagdangat sa $2.4 milyon ukon kapin ₱140 milyon ang kita sang pelikula sa una nga semana sang theatrical run sa 248 ka mga lokasyon sa US kag Canada.
Sa Pilipinas, narekord ang ₱85 milyon ang gross income sang pelikula sa opening day kag nagdangat sa ₱245 million sa sulod sang tatlo ka adlaw.
Nahibaluan nga ang pelikula ang sequel sa 2019 blockbuster hit nga ‘Hello, Love, Goodbye,’ sa diin masaksihan ang love story nanday Joy (Kathryn Bernardo) kag Ethan (Alden Richards) sa Canada.
