Apisar nga ginpahayag sang Senado nga handa sila nga i-defund ang programa nga nagahatag sang ayuda sa mga halos indi makasustiner sang ila pinansyal, isa ka senador ang nag-file sang ikaduha nga hagna agud himuon nga permanente ang programa sang gobyerno nga Ayuda para sa Kapos ang Kita Program (Akap).
Suno sa House Bill (HB) No. 11048 ni Batangas Rep. Gerville Luistro, ukon ang gina-proponer nga Akap Act, nag-agi sa una nga pagbasa sa plenary session sang Nobiembre 13 sa Kamara sang mga Representante, duha ka adlaw pagkatapos nga ini gin-file.
Kaangot sini, ginpadala ang hagna para sa dugang nga pagtuon sa komite sa social services.
Ang HB 10700, ang gin-file sang mas temprano sa Hulyo ni Camarines Norte Rep. Rosemarie Panotes kag ginpadala sa amo man nga komite sang Agosto.
Ini nga hagna, nagadeklara nga himuon nga polisa sang estado ang pag-amlig sa mga kinamatarung sang mga minimum wage earners kag nagahatag sang “ayuda nga nagatuyo sa pagpagaan kag pagpaayo sang kalidad sang kabuhi sang kada trabahador, ilabi na ang mga minimum wage earners.”
Ang hagna nga ini ginatinguha nga ang mga kwalipikado nga benepisyaryo mahimo nga makakuha sang pagkaon, medikal kag pinansyal nga ayuda sa paglubong, pati na ang cash-relief aid, halin sa Department of Social Welfare and Development (DSWD).
Ang pinansyal nga ayuda para sa mga kwalipikado nga benepisyaryo nga ginapasa sa mga lokal nga gobyerno pagatawagon nga “ayuda sa bugas,” ang kantidad sini “katumbas sa katunga sang gasto sang 25 ka kilo nga bugas base sa gina-sugyot nga presyo sa retail gikan sa Department of Agriculture.”
