KORONADAL CITY – Dead on arrival sa balay bululngan ang isa ka 19 anyos nga motorista matapos na mabangga ini sa likod sang isa ka dump truck sa dalanon sang Purok 1, Barangay Crossing Rubber, Tupi South Cotabato, sang pasado 10:00 sang gab-I kahapon sang Nobyembre 12, 2024.
Ini ang ginkumpirma ni PolLt Richard Ho ang Deputy Chief sang Tupi Municipal Police Station sa interview sang Bombo Radyo Koronadal.
Ginkilala ang biktima nga si Kris Jan Lagsil, 19 anyos, sultero kag residente sang Barangay Tubeng, Tupi, South Cotabato.
Suno kay Ho, may nakatambay nga dump truck nga nagakarga sang 360 nga box nga semento halin sa siyudad sang general santos pakadto sa syudad sang Koronadal kag bigla nalang nga may naka bangga sa likod sang dump truck.
Suno man sa mga nakakita, ang nasambit nga biktima nga si Lagsil, kaupod ang duwa ka upod man nga mga motorista, nagakarera ini sa dalanon sang nadulaan ini sang kontrol kag nabangga ini sa dump truck kag gin bilin nalang si Lagsil sang mga kaupdanan sang nahibal an nga nabangga ini sa dump truck.
Bangod sakusog nga impact sang pagka bangga, ginbawian sang kinabuhi si Lagsil samtang nagsungka man sa otoridad ang driver sang dump truck.
Sa karon, padayon nga imbestigahan sang TUPI PNP ang insidente kag ginapanawagan ang mga motorista nga magingmahalong kag mag sunod sa mga laye sang trapiko agud malikawan ang mga aksidente
