Nagdangat na sa 2.2 milyon nga mga pamilya ang apektado sang bagyong Kristine kag Leon

Naglab-ot sa 2.2 milyon nga pamilya ang apektado sang ginbilin sa paglaslas sang bagyong Kristine kag Leon.

Suno sa datos sang National Disaster Risk Reduction and Management Council (NDRRMC), ang kabug-usan nga numero sang mga apektado nga pamilya ilabi na sa Bicol Region nga yara sa 2,200,731 ukon 8,630,663 nga mga indibidwal sa masobra 12,053 nga mga barangay.

Samtang naglab-ot sa kabug-usan nga numero nga 227,133 nga indibidwal ukon 56,396 nga mga pamilya ang nagbalaktwit sa 1,467 nga mga evacuation centers.

Sa karon, passable na ang 703 nga mga dalanon kag 92 nga mga tulay.