Madamo sang isla sa bug-os nga kalibutan ang magamay lang kag may manubo man nga populasyon.
sa na diri ang Just Room Enough Island nga makit-an sa Alexandria Bay, New York.
Suno sa luxury and lifestyle travel magazine nga Condé Nast Traveler, nagalapad lang ang nasambit nga isla sang 310 square meters ukon kaangay lang sang isa ka tennis court ang kadakuon.
Nasakop na sang ginatukod nga balay diri ang bilog nga isla bangud nga tuman ka gamay sang lugar sini.
Ang Just Room Enough Island ang ginakabig na bilang world’s smallest inhabited island apisar nga wala pa ini ginhatagan sang Guinness World Records sang pagkilala.
Makadtuan ang ini nga isla paagi sa bangka.
Ang Just Room Enough Island nabakal sang Sizeland family sadtong 1950s para himuon nga holiday getaway suno sa Condé Nast Traveler.
Para makonsiderar nga isla, kinahanglan nga ang parte sang ini nga duta ukon bato ang may measure nga indi magnubo sa isa ka square foot. Kinahanglan man nga yara ini sa ibabaw sang tubig sa tanan nga tion, kag may nakatanum nga isa ka puno sang kahoy.
Para naman nga makabig nga inhabited island, kinahanglan nga may one-family structure ini, gani nagpatukod ang Sizeland family sang cottage kag nagtanom sang isa ka puno sang kahoy.
