24 patay 5 pilason sang nagbunggu-anay ang bus kag trailer sa Mexico

Patay ang 24 ka indibidwal samtang lima naman ang pilason matapos magbunggu-anay ang bus kag trailer sa Mexico.

Nahibaluan, nagluntad ang insidente sang nagbiya ang bus gikan sa Tepic, Western Mexico sa diin padulong ini sa Ciudad Juarez, Northern Mexico.

Suno kay Juan Manríquez Moreno, coordinator sang National Guard sa Zacatecas, gilayon nga ginpadangat ang mga pilason sa ospital sa Zacatecas.

Dugang pa niya nga ang passenger bus ang bumunggo sa trailer kag nagtagilid sa kilid sang highway.