Ginhambalan ni United Nations chief Antonio Guterres si Russian President Vladimir Putin nga nagabayalor sa United Nations charter kag international law ang pagsalakay sa Ukraine, sang Huwebes, Oktubre 24, 2024.
Nakipagsapol ang UN secretary-general kay Putin sa sidelines sang BRICS summit sa Kazan, Russia, kon sa diin nagpanawagan ini sang “peace” ukon kahilwayan para sa Ukraine.
Ginpunto man ni Guterres ang iya promisa sa pagduso sang kahilwayan sa nabigasyon sang Black Sea. Nagapati sia nga ang nasambit nga tikang, importante para sa Ukraine, Russia, kag sa food kag energy security.
Naga-serbe ang Black Sea bilang “trade route” sa Ukraine nga ginhingadlan nga pinakadako nga exporter sang trigo sa bug-os nga kalibutan apang nag-untat ini halin sang nagsugod ang Russian invasion sang Pebrero 2022.
Madumduman nga nagkitaay man si Guterres kag Putin sang Abril 2022 kag naghambalanay man sila angut sa inaway sa Middle East, ilabi na ang panawagan sang ceasefire sa Gaza kag Lebanon.
