-- ADVERTISEMENT --
Ginbuyagyag ni Ukrainian President Volodymyr Zelenskyy nga may nabaton ini nga intelligence information nga 10,000 ka suldado nagikan sa North Korea ang ginapreparar agud magpasakop sa puwersa sang pungsod Russia batuk sa Ukraine.
Suno kay Zelenskyy, peligruso ang amo nga plano bangud ang pag-intra sang ikatatlo nga pungsod sa giyera sa tunga sang Ukraine kag Russia ang mahimo tunaan sang “world war.”
Wala na gindetalye sang opisyal ang iban pa nga mga impormasyon, apang ginpalayag ini sa publiko makaligad ginpabutyag ni United States Deputy Secretary of State Kurt Campbell nga naalarma ang mga ini sa pagsuporta sang North Korea sa Russia.
