Nagpahinumdom ang isa ka telecommunication company sa publiko batok sa voice phishing scams nga bag-o nga modus subong.
Suno sini, ang mga fraudsters nagapapakilala nga sila ang National Telecommunication Commission (NTC).
Ang mga fraudsters ukon scammer nagatawag sa mga biktima kag nagasiling nga ang ila cellphone number may yara sang illegal nga aktibidad kun sa diin ang mga ini naga kuha sang kwarta kag gapamahog nga dakpon ang biktima kung hindi sila mag hatag sang kwarta.
Suno sa datos sang Telco, nagalab-ot na sa 236 million ang scam messages ang nablock sa ikaduwa nga quarter sa subong nga tuig 2024 kag ini 79% nga pagnubo kon ikumparar sa 1.1 billion nga mga messages sa nagligad mga tuig.
Gapanawagan man ang NTC sa publiko nga hindi basta basta mag maghatag sang personal nga impormasyon kag pati man ang financial details.
