Gin-athag ni United States (US) President Joe Biden nga ang pagkapatay ni Hezbollah leader Hassan Nasrallah isa ka “measure of justice” para sa mga biktima sa idalom sang iya nga pagpamuno, mapa-sibilya nga amerikano, Israelis kag Lebanese.
Isa si Nasrallah sa mga lider nga nagpatay sang daan-daang American citizens sa sulod sang apat nga dekada sa liderato sini.
Pa-athag ni Biden, nag-umpisa ang pagkapatay sang Hezbollah leader bangod sa ginlunsad nga pag atake sang Iran batok Israel sang Oktubre 7 sang nagligad nga tuig nga amo man ang pagabri sang ginatawag ni Nasrallah nga “northern front” batok Israel.
Dugang pa sini, ginasuportahan sang Estados Unidos ang mga nagin aksyon sang Israel batok sa Iran nga dipensa lang ini nga posible paga-umpisahan sang madamo nga numero mapatay kag mapilasan sa Israel.
Samtang ginapsiguro ni Biden nga ang ila lang nga tuyo ang maibsan ang nagakatabo nga giyera sa tunga sang duha ka pungsod paagi sa ‘diplomatic means.
Ginpasangkad ang paagahiwat sang pagsinapol sang pipila ka mga pungsod kaupod ang United Nations Security Council agod mapatuman ang ceasefire kag pagpagwa sa mga hostages nga uyat sang Iran kag Israel.
Una na diri, ginmandu na ni Biden sa Secretary of Defense sang US nga mas paigtingon kag dugangan ang mga naka-deploy nga military personnels sa Middle East regions agod malikawan ang mga agresibo nga pag atake ka mapauntat man ang nagalala nga regional kag territorial disputes sa rehiyon.
