Gintawag ni Pope Francis ang Israeli strikes sa Lebanon nga “terrible escalation” sa Middle East conflict sa kataposan sang iya nga weekly general audience sa Vatican.
Suno sa Pope, ang pag-atake nga ginapahayag sang Israel nga pag-target lang sa may mga kaangtanan sa Iran-backed Hezbollah movement, ang makabig nga “unacceptable”.
Bangud sini, ginahingyo sang Santo Papa ang international community nga buhaton ang tanan nga ikasarang agud nga mauntat na ang gyera.
Wala man niya direkta nga gintumod ang Israel apang ginpabutyag nga nasuboan sia sa mga balita sa Lebanon sa mga nagliligad nga inadlaw nga nagtuga sang kahalitan sa linibo na ka mga biktima.
Magluwas sa nasambit nga pag-atake sa Lebanon, gintutokan man ni Pope Francis sa iya speech ang peligro nga dala sang temptasyon kalakip na ang online pornography nga hugot nga ginapamatukan sa pagsulondan sang mga Katoliko.
