Nagdangat sa 20 ka mga tawo ang napatay kag masobra 450 ang ang napilasan matapos ang panibag-o nga device explosions sa lugar nga ginakaptan sang Hezbollah sa Lebanon, suno sa mga opisyal.
Ini ang nagresulta sa kahangawa sang all-out war sa Israel.
Isa ka source malapit sa Hezbollah ang nagpahayag nga ang walkie-talkies nga gingamit sang mga myembro sini ang naglupok sa Beirut, nga kaangay sa gin-report sang state media nga natabo sa south kag east Lebanon.
Ini ang natabo isa ka adlaw matapos ang dululungan nag paglupok sang ginatos nga paging devices nga gingamit sang Hezbollah nga nagpatay sang 12 ka tawo, lakip na ang duha ka mga kabataan nga ginkapilas naman sang tubtob 2,800 ka iban pa sa bilog nga Lebanon nga wala ginalauman nga pagpang-atake nga ginbasol sa Israel.
Wala pa sang komento nagikan sa Israel apang isa ka oras antes ang pagpang-atake, ginpahayag ni Israeli Defence Minister Yoav Gallant nga ginapalapad nila ang gyera batuk sa Hamas sa Gaza nga ginalakipan sang away batuk sa kaalyado sang Palestinian group nga Hezbollah.
Nagpa-andam naman ang White House sa magtimbang nga bahin batuk sa pagpadako sang gyera.
