Arestado ang bilyonaryo nga founder kag CEO sang sikat nga messaging app nga Telegram nga si Pavel Durov sa Bourget airport, Paris.
Ginserbe sang France ang arrest warrant kay Durov pagkatapos sang preliminary investigation nga ginpatigayon sang nasambit nga pungsod angot sa gina-akusar nga multiple scams kag pag-lakip sini sa pagpalapnag sang sala nga impormasyon halin sang naglunsad ang Russia sang atake sa Ukraine.
Suno sa report halin sa isa ka French commercial television network, ang app ni Durov amo ang ginahimo nga nagapanguna nga komunikasyon sang Ukrainian President nga si Volodymyr Zelensky kag sa iya mga opisyal.
Ginagamit man ini sang Russia agud magpalapnag sang mga report angot sa gyera, gani nagapabilin ang amo nga app nga nagapanguna nga messaging app sang mga tawo sa Russia sa nagapadayon nga gyera sa tunga sang duha ka nasambit nga pungsod.
Matandaan nga ang app nga ini ang ginapanag-iyahan ni Durov nga isa man ka Russian, nagbiya siya sa Russia sang 2014 matapos niya nga ginpasipala ang pagbaligya sang user data sa gobyerno sang Russia. Na-ban ang messaging app sa Russia sang 2018 kag na-revised naman sang 2021.
Ginkilala ni Russia’s representative sang international organizations sa Vienna nga si Mikhail Ulyanov kag iban pa nga kaupdanan niya sa Russia.
Bisan wala pa sang pahayag ang France bahin sa isyu, gin-awhag ni Ulyanov ang iya mga kababayan nga magprotesta sa mga French embassies sa bug-os nga kalibutan.
