Nagapadayon ang imbestigasyon sang mga otoridad sa nagluntad nga pagpang-ambush sa kumander sang Moro Islamic Liberation Front (MILF) kaupod ang isa pa ka indibidwal sa Poblacion Dalican Datu Odin Sinsuat Maguindanao Del Norte, Lunes sang aga, Agosto 12,2024.
Ginkilala ang pilason nga mga biktima nga sanday Garante Tumanggong Kawilan nga kumander sang MILF 104th Base Command kag isa ka alias Guiamaludin nga residente sang Poblacion Dalican.
Naguwa sa inisyal nga imbestigasyon sang kapulisan nga samtang sakay sang minivan nga may plate number MAW3373 si Kumander Guiamaludin kag kaupod sini sang hinali na lamang nga ginsugata sang mga armado nga kalalakihan kag ginpaulanan sang bala ang ginasakyan sini.
Nakaangkon sang igo sang bala sa nagkalain-lain nga bahin sang iya lawas ang biktima nga gilayon naman gindala sa pinakamalapit nga hospital.
Sa karon, ginahibalo pa kun sin-o ang mga responsable sa pag-ambush sa mga biktima kag kun ano ang motibo sang krimen.
