Patay ang duha ka employed sang Britain-based aid agency nga Tearfund sa pagpang-atake sang ila nga convoy sa eastern sang Democratic Republic of Congo.
Suno sa report, nagapadulong kuntani ang mga biktima sa banwa sang Lubero sa Butembo city sang gin-atake sila sang mga armado nga grupo sa North Kivu province, apang wala nanaghatag sang dugang nga detalye.
Nahibaluan nga madamo na sang armado nga grupo ang naga-compete para sa impluwensya kag manggad sa mineral sa North Kivu, amo man ang pakipag-away sa mga rebelde sa sulod sang duha ka tuig, sa diin nagdalom na ang malawig nga humanitarian crisis nga may masobra 2.7 million ang nadulaan sang puloy-ay sa bilog nga probinsya.
Ginkumpirmar naman ni Alain Kiwewa, local administrator nga gin-atake ang convoy kag lima sa mga salakyan ang ginsunog. Wala naman sini ginsambit kun sin-o ang responsable.
