Gin-atras na ni Kenyan President William Ruto ang finance bill nga nagaduso sang kontrobersyal nga pagpasaka sang buwis.
Ang nasambit nga desisyon resulta sang malawig nga protesta nga nagresulta sa kamatayon sang 22 ka tawo.
Sa iya pagsulundan, ginpahayag sini nga indi iya na pagpirmahan ang nasambit nga hagna kag pamatian na lamang ang gusto nga matabo sang mga tawo.
Ini makaligad nga naglunsar sang hublag protesta ang mga katawhan kag nagtuga sang kalakasan matapos nga ginpasar sang mga legislator ang hagna nga magadugang sang buwis sa pila ka mga produkto.
Gin-atake man sang mga protesters ang parliament building diin nagpungko ang pila ka legislator rason nga naghaboy man ang kapulisan ang tear gas kag nagresulta sa pagkapatay sa anum ka mga nag-upod sa protesta.
