Napahuy-an sang Boston Celtics ang kasumpong nga Dallas Mavericks sa homecourt sini sa Dallas, Texas.
Ini makaligad nga liwat nga ginlutos sa ikatatlo nga tion sang Celtics ang Mavs sa NBA Finals Game 3 kun diin pabor na sa Boston ang serye sa 3-0.
Temprano nga nag-arangkada ang Dallas sa una nga quarter pa lamang kun diin naghimo sila sang 31 points, samtang 30 naman sa Boston.
Apang sa madason nga quarter, nalansang ang Mavs apisar nagtinguha nga maka-iskor batuk sa Celtics tubtob natapos ang hampang sa score nga 106-99.
Nasayang ang 35 points ni Kyrie Irvingmangin ang mga kontribusyon nanday Dereck Lively II kag Luka Doncic bangud nagkulang agud makabangon kuntani ang ila nga team gikan sa nauna nga kapaslawan.
Ipatigayon naman ang Game 4 sa adlaw nga Sabado, June 15 sa homecourt sa gihapon sang Dallas.
Kun magalab-ot pa sa Game 5 ang nasambit nga hampang, magaatubangay ang duha ka team sa June 18, adlaw nga Martes, sa homecourt sang Boston Celtics.
