Gintawag nga media stunt sang nabalo nga asawa sang ginpatay nga Gobernador sang Negros Oriental nga si Mayor Janice Degamo ang temporaryo nga paghilway kay anay Congressman Arnolfo Teves Jr. nga ginatudlo utok sang Pamplona massacre sang Marso 2023.
Suno sa iya, ang media stunt sang legal team ni Teves ang photo-op lamang nga gindesinyo para i-mislead ang publiko kag magtuga sang kahadlok sa Negros Oriental agud ipakita liwat para magamit ni Teves ang iya nga kwarta para mapalagyuhan ang hustisya.
Samtang, ginpahayag man ni Mayor Degamo nga gin-impormar siya sang Department of Justice nga gindala sa kustodiya sang national police sang Timor Leste si Teves kun diin natala ini nga mag-atubang sa korte para sa extradition proceedings.
Sa isa naman ka statement, ginpahayag sang DOJ nga ang paghilway kay Teves liwat sa presuhan ang liwat man nga pag-arestar ang kabahin sang legal nga proseso sang Timor Leste apang ginpaathag naman kun ngaa ginhilway si Teves.
