Nagsaka pa ang inflation sa Pilipinas sini nga bulan sang Mayo 2024 bangod sa mas madasig nga pagsaka sang presyo sang housing, utilities, gatong, transportasyon suno sa Philippine Statistics Authority (PSA).
Ini na ang pinakamataas nga inflation nga na-record sa sulod sang lima ka bulan.
Makita sa preliminary data gikan sa ahensya nga nagtaas sa 3.9 percent ang inflation sini nga Mayo, nga mas mataas kumparar sa 3.8 percent sang Abril, apang mas manubo kumparar sa 6.1 percent sang Mayo 2023.
Sulod naman ini sa 3.7-4.5 percent nga forecast sang Bangko Sentral ng Pilipinas (BSP) para sa nasambit nga bulan.
Suno pa sa PSA, nagaguwa nga naghinay sa 6.1 percent ang food inflation sa national level sini nga Mayo halin 6.3 percent sang Abril 2024 sini nga tuig.
Sang May 2023, yara naman sa 7.5 percent ang food inflation.
