AFGHANISTAN – Nag-abot na sa masobra 1,000 na ka tao ang napatay makaligad ang pag-igo sang 6.1 magnitude nga linog sa bahin sa eastern Afghanistan.
Ini ginkumpirmar sa Mr. Joel Tungal, BINC to Afghanistan sa interview sang Bombo Radyo Koronadal.
Suno sa iya, tuman ka kusog ang nasambit nga pagtay-og sa diin nagtuga sang pagkaguba sang pila ka mga panimalay kag pagkalitik sang duta kag dalanon.
Dugang pa sini, gindangan man sa balay bululngan ang halos 1,500 katao nga pilason sa nasambit nga insedente bangud sa impact sang nasambit nga kalamidad.
Dugang pa nakapagkit man sang landslide nga nagpalala pa sa sitwasyon sa probinsiya sang Paktika.
Madumduman nga ginatos na ang panimalay nga nagkalbungkag sa pagtay-oy nga may kadalumon nga 51 kilometers.
Ginkabig naman nga pinaka makusog nga linog ang na eksperyensiyahan makaligad ang duha ka dekada kag isa man ka hangkan sa mga Taliban nga nagkontrol sa pungsod sang naglabay nga tuig.
