KORONADAL CITY – Nabatyagan man sang pungsod US ang pagsaka sang presyo sang gasolina bangud sa tension nga tuga sang kinagamo sa pungsod Ukraine kag Russia.
Ini ang nangin pahayag ni Balt Quinain, BINC to US sa interview sang Bombo Radyo Koronadal.
Suno sa iya, indi lamang ang pungsod Pilipinas ang naga kabalaka sang pagsaka sang presyo sang gatong apang US man.
Dugang pa sini, 15% sang gas sa OPEC (Organization of the Petroleum Exporting Countries) ang nagikan sa Russia kag bangud sa tension, mas naga saka pa ang presyo sang gatong sa ila nga area.
Suno sa iya, halin sang naglabay nga semana, naga umpisa na ang pagsaka sang presyo sang gasolina sa diin, suno pa sa iya, nag abot na sa average $4.00 ang per gallon sang gasolina sa US.
Magluwas pa sini, may ara man sang pagsaka sa presyo sang Liquified Petroleum Gas (LPG) sa ila nga lugar kag posible nga mag saka man ang presyo sang mga balaklon lakip na ang mga naga panguna nga balaklon.
