KORONADAL CITY – Ginpahalugan na sa karon ang restriksyon sa pungsod Ireland pag abot naman sa pagpasulod sang mga dumuluong pag abot naman sa ila nga border.
Ini ang ginpahayag ni Evelyn Melote, Bombo International News Correspondent to Ireland sa interbyu sang Bombo Radyo Koronadal.
Suno sa iya, kulukasubong nga wala na naga usar sang facemask ang mga pumuluyo sa nasambit nga pungsod.
Kag apisar nga nagpadulong o kun halin ka sa iban nga pungsod wala ka na ginpangitaan sang health ministry sang kumpleto nga vaccination card.
Wala naman ginamando sa ila nga lugar ang pagbakuna bangud tuman na nga nahagan hagan ang pagdata sang kaso sang malapnagon nga balatian sa ila nga lugar.
Gindugang pa sini nga sa karon man, sa ila nga pagselebrar sang Valentines, mas ginahatagan man sang importansya kag apisar yara pa sa pandemya mas padayon sa gihapon ang ila nga pagselebrar.
