-- ADVERTISEMENT --
KORONADAL CITY – Gilayon nga naghatag sang bulig ang LGU sa masobra 30 ka mga pamilya nga naguba ang panimalay bangud sa pagpanalasa sang buhawi sa Barangay Lower Taviran, Mother Kabuntalan, Maguindanao.
Suno kay Municipal Disaster officer Mindato “Toto” Malasigan, alas- 6 sang gab-i sang magpanalasa ang mabaskog nga hangin.
Yara naman sa duha ka tawo ang nareport nga napilasan makaligad nga maigo sang debris sang naguba nga panimalay.
Temporaryo naman nga nagatinir sa evacuation center kag ila nga mga himata ang mga apektado nga pamilya.
Suno kay Malasigan, pagabuligan nila ang tagsa ka pamilya nga matukod liwat kag makay-o ang ila nga puluy-an.
