KORONADAL CITY – Ginakabig nga hustisya sang mga pamilya sang mga nangin biktima sang pagpamomba kag pagpangsunog sang bus sa Mindanao ang kamatayon sang ginakabig nga most wanted terrorist lider sang Daulah Islamiya kag asawa sini sa Maguindanao.
Kaangot sini, kulukasubong man nga nabunutan sang tunok ang pila ka mga negosyante sa Mindanao bangud sa pagkapatay sini sa isa ka operasyon sang mga militar.
Ini ang nangin pahayag ni Bernard Bolanio, operations manager sang YBL sa interview sang Bombo Radyo Koronadal.
Suno sa iya, nakabatayag sang katawhayan indi lang ang ila nga kumpanya mangin man ang pila pa ka mga negosyante nga gina extort sang mga armado nga grupo kag kalakip na diri ang Daulah Islamiyah kag Alkhobar group nga ginapamunuan sang napatay nga si Salahudin Hassan alyas Orak nga nagaoperar sa Mindanao, kun sa diin naga tuga sang kahadlok sa mga bus companies kag iban pa nga negosyante nga ila gin pangwartahan.
Dugang pa sini, apesar nga anu man ang matabo, magapadayon sila nga mgasalig sa mga otoridad agud nga mauntat na ang ini nga mga grupo para kampante man ang pila ka mga pasahero nga magsakay sa ila nga mga salakyann , nga malayo sa mga naga panunug sang mga unit sang ila nga kompanya.
Madumduman nga isa ang YBL sa mga naka -eksperyensya sang pagpangharass sang mga terrorista nga grupo.
