KORONADAL CITY – Nadugangan kag nagdamo pa ang mga reklamante nga nabiktima sang scam nga hinimo sang grupo sang mga kababayehan sa siyudad sang Koronadal.
Modus sang nasambit nga grupo nga pagabaydan nila ang ila gin-utang nga kwarta antes magahimo sang alibi sa ikatatlo nga tion kag wala na nagapakita.
Sa interbyu sang Bombo Radyo kay Koronadal PNP chief of police Lt. Col. Joefel Siason, yara sa masobra 20 na suno pa ang nabaton nila nga reklamo angot sa scam kag ginalauman nga magadamo pa ini.
Suno naman kay Brgy. San Isidro Kapitan Lloyd Gabutin nga madamo sa gihapon nga mga residente sa iya barangay ang ginareklamo si Elvy Sacro humalin pa sadtong 2018.
Padayon man ang panawagan nila sa mga biktima nga magpakita kag magsang-at sang kaso nga syndicated estafa nga patong-patong nga pagaatubangon sang mga suspek.
