KORONADAL CITY – Ginkakas sang Koronadal City Health Office ang kabalaka sang mga pumuluyo sa siyudad makaligad napagkit ang panibag-o nga kaso sang covid-19 sa siyudad.
Sa interbyu sang Bombo Radyo Koronadal kay City Health Officer Dr. Editho Vego, ang nasambit nga pasyente ang kasamtangan nga yara sa Southern Philippine Medical Center (SPMC) sa siyudad sang Davao kun sa diin naka-admit ini sa nasambit nga balay bulolngan subong.
Suno kay Vego, didto na suno pa nalatnan sang covid-19 ang 56 anyos nga taga-Brgy Zone 1 kag masobra isa ka bulan sa nasambit nga ospital agud magpa-opera.
Tigayon lamang sila nga ginpahibalo sang Davao LGU angot sa natabo kag ginpasiguro nga kontrolado sa gihapon ang sitwasyon diri sa siyudad, basta magsunod lamang sa mga basic health protocols.
