KORONADAL CITY – Ginpakigbahin sang pila ka mga pulitiko kag mga ordinaryo nga mga pumuluyo sa South Cotabato ang ila mga reaksyon sa nangin SONA ni Pangulong Rodrigo Duterte kahapon.
Sa eskslusibo nga interbyu sang Bombo Radyo Koronadal kay South Cotabato 2nd District Representative at Deputy Speaker for Mindanao Ferdinand Hernandez, ginpahayag sini nga dako ang iya salig nga pagahimoon sang pangulo ang iya mga promisa sa katawhan labi na ang pagsabat sa ginapangatubang nga krisis sang pungsod bangud sa COVID 19 pandemic.
Apesar nga kun kis-a nagabag-o ang mga desisyon sini kag nagaalangan, makit-an sa gihapon kay Pangulong Duterte ang “political will” kagt ang pagka seryoso sa iya obligasyon.
Gin-uyonan naman sang opisyal ang pila ka mga ginsang-at nga plano sang Pangulo sa pagsabat sa COVID 19 pandemic.
Samtang suno naman kay alyas Jil, isa ka vendor sa night market nga ila ginahangyo nga kuntani matuman na ang promisa sang Pangulo nga hatagan ang dyutay nga mga negosyo sang bulig sa gobyerno.
Ginhatagan naman sini sang 5 out of 10 nga rating ang SONA sang Pangulo, ini bangud nasabat naman sang Pangulo ang pila ka problema nga ginakaatubang sang pungsod.
