KORONADAL CITY – Masobra 150 na ang napagkit sang Pakistani authorities nga napatay sa makahalanusbo nga pagtibusok sang A320 Airbus plane sa Karachi, Pakistan.
Ini ang ginpakigbahin ni Bombo international correspondent Harija Ismani Hasan sa interbyu sang Bombo Radyo Koronadal.
Suno kay Hasan, yara sa 154 ang death toll sa nasambit nga trahediya makaligad nga gin-araro sang eroplano ang residential area kag gindalasa ang anom ka mga panimalay.
Sa nasambit suno pa nga numero, 49 ka mga residente ang ginbawian sang kabuhi magluwas pa sa 105 nga casualties halin sa eroplano.
Sa subong pabudlayan ang clearing operations agud marekober ang natabunan nga mga biktima sa nasambit nga plane crash.
Nagdeklarar naman ang Pakistan sang state of mourning bilang pagpakig-unong sa pamilya sang mga nagkalamatay.Top
