KORONADAL CITY – Ginpasiguro ni City Health Officer Dr. Editho Vego sa mga residente sa probinsya nga indi mag kabalaka sa pag-abot kaina sang udto sang 9 ka myembro sang isa ka pamilya halin se Cebu City sakay ang Chartered p;lane.
Sa interbyu sang Bombo Radyo Koronadal Kay Dr. Vego, Ginpahayag sini nga wala nabayolar sa Protocol ang mga ini kaupod ang mga personalidad nga nagsuga sa mga ini.
Ginpaidalom sa proper dis- infection bag-o ginpasakay sa Mini Bus kag gindala sa Isolation Facility ang nasambit nga Pamilya.
Suno Kay Vego, bag-o pa sila naghalin sa Cebu City nakumpleto sang nasambit nga pamilya ang ila nga rekwisitos kasubong sang Medical Certificate nga nagpakita nga indi sila COVID-19 patient.
Apang sa pihak nga bahin ginpasiguro nga wala silang sintomas sa 9 nga na stranded nga residente kag ginpaidalum sa 14 days nga quarantine ang mga ini.
Kadungan sini, gin-awhag man ni Dr. Vego nga sa tanan nga katawhan sang siyudad nga kon mahimo sa tion nga may mag-abot nga mga himata nga mga OFWs ipahibalo gid ini sa ila nga talatapan agod mahatagan sang nagakaigo nga aksyon agod indi maglapta ang COVID-19.
Padayon man sini nga ginpanawagan sa tanan nga sundon ang physical kag social distancing mangin man ginadumilian ang pagtandog sang baba, ilong kag mata agod indi makasulod ang mga virus sa nasambit nga parte sang lawas pati man nga usaron ang pag hugas sang mga kamot.
